வெறுமைக்கு விடை தேடி.!

திரும்பிப் பார்க்கிறேன்
வெறுமை தெரிகிறது!
நிழல் கூட முகம்
திருப்பிக் கொள்கிறது!

வெட்கப்பட்டா.?
துக்கப்பட்டா.?
பதிலின்றியா.?

மணலில் சிதறிக்கிடந்த
நீர்த்துளிகள்.!

வெறுமைக்கு விடை தேடி
வெப்பமேறிக்கிடந்த
மணலில் குப்புறச் சயனித்தேன்!
மணலை முத்தமிட்டது உதடுகள்!

உதட்டோரத்தில் பதிலுக்கு
முத்தமிட்ட நீர்த்துளியொன்று!

உப்புச்சுவை கைத்துப்போனது!
இல்லை
இவை நீர்த்துளிகள் இல்லை!

உழைத்து உழைத்து
முறுக்கேறி பின்
உதிர்ந்துப்போன உதிரமாம்
வியர்தைத்துளிகள்!
மிஞ்சினால் எவனோ
தொலைத்து விட்டுப்போன
கண்ணீர்த்துளிகள்!

மரத்துப் போன
முட்டாள் மனிதா..!

வியர்வைத்துளியோ.!
கண்ணீர்த்துளியோ.!
தொலைத்துப் போனதேனடா.!
உனக்குன் பாட்டன் சேர்த்த
உத்தமச் சொத்து
இதொன்று தானடா.!

நீ தொலைத்த
வியர்வைத்துளிகள்
விற்கப்பட்டு கொள்ளை
லாபமாம் விற்றுத்தின்ற
கொள்ளை கூட்டம்
ஏப்பம் விட்டுச் சொல்கிறது!

உன் கண்ணீர்த் துளிகள்
மிச்சமிருப்பதாய்
விளம்பரம் பார்த்தேன்!
காப்பாற்றிக்கொள்!

இன்று நீ அலையவிடப்பட்ட
ஆயுள் கைதி!

என் வெறுமைக்கு
விடை..?